"عشق في الحي الشعبي" قصيدة للشاعر خالد فضل

"عشق في الحي الشعبي" قصيدة للشاعر خالد فضل

عن قصة العشق
اللي بين ل تنين
حكيتلي أمي
قالت أخويا حسين
قعد قريب مني
باصص ف قلب السما
هيمان وبيغني
عشقت بدر البدور
يامين يطمني
عشقي وصل عندها
ياويلي من عندها
خايف لا يحرمني
نفسي انول وصلها
لو حتي من بعدها
كانت هتقتلني
أم العيون الجريئه
والضحكه صافيه وبريئه
لو حتي ترضي لدقيقه
تيجي .. تقابلني
وف  وسط كل الغنا
سمعت صوت جنبنا
زينب .. تعالي هنا
مين اللي بيغني
مين اللي عشقه وصل عندي
ومين بيحبها
يكونش دا الواد حسين
قصدي ..  حسين أفندي
قالت يابويا
وهي مكسوفه
العشق ليا  أنا
واللي قاصدها أنا
أنا اللي محبوبه
الواد بقالو سنه
بيحب فيا  أنا
وغنا  كل الغنا
فاكرني مخطوبه
ضحك ابوها وقال
والله محظوظه
الواد دا  زينة الرجال
ومفيش كلام يتقال
لو كان كلام في الحلال
يجي ويتقدم
سمع حسين الكلام
قام لابس ومتشيك
ماهو اصله كان زي ابوه
عايق ومتأنتك
خبط وقال دستور
ياخوانا انا شاري
حبيت بدر البدور
وحالها من حالي
وان كنت انول القبول
الدنيا تحلالي
زينب ضحكت وسكتت
وسكوتها يحلالي
الحلوه رضيت عليا
يابويا تعالالي
هعمل لنفسي فرح
والله م الغالي
مادام حبيبتي معايا
يجرالي اللي يجرالي

ودي قصة العشق اللي كانت
بين زينب .. وبين خالي

شاركه على جوجل بلس

عن جريدة النداء المصرية