قصيدة انا مواطن لـ كريم كامل

 واقف علي نيلك يا بلدي ومديكي ضهري .. 
سرقتي مني فرحي واحلامي وسهري .. 
سرقتي مني نفسي واحلي ما عِندي .. 
اتعلمي يا بلدي قبل ما تاخدي تدي .. 
اتعلمي يا بلدي ازاي تكسبي التحدي .. 
انا كنت جيشك اللي واقف ع الحدود .. 
انا كنت حفيدك ومكمل مسيرة الجدود .. 
انا كنت صوتك ،، 
انا كنت صوتك لما اتنبح في يوم موعود .. 
يوم كنتي الشهيدة ، وكنت انا المولود .. 
انا كنت فقرك وذُلّك ،، 
انا كنت حلوّك ومُرّك .. 
انا كنت انتي حطمت كل السدود .. 
كتبوا علي جبينك يا بلادي بدم الشهيد .. 
انهضي وقومي واتولدي من جديد .. 
احلامنا بتفوت ،
 بتحيي وتموت ،
 وبعلو الصوت ،
 هنرجع في يوم اكيد .. 
طلع شروق شمسك في يوم مرير ..
 نسيّت ارضك يا بلدي غني او فقير .. 
غيمت سماكي علينا نسينا ضوء الشمس .. 
انا كنت مواطن حلمه فى يوم يطير ... 
انا كنت مواطن ... 
حلمه في يوم يطير

شاركه على جوجل بلس

عن جريدة النداء المصرية